Laugarren klasea (2015/12/09)

Gure laugarren klasea abenduaren 9an izan zen. Gure IKT-ko  azken klasea hain zuzen. Saio honekin, gure azken lanak aurkeztu, eta ebaluzioak egin genituen.

Lehenik, aurreko astean egindako lanak aurkeztu genituen. Talde bakoitzak Adobe Premier Pro programarekin egindako bideoak erakutsi genituen. Bakoitzaren gaia era oso ezberdinetan aurkeztu genituen, eta horrek, programa honekin egin ahal diren bideo mota ezberdinak eta tresnak ikasteko aukera eman zigun. Askotariko gaiak islatu ziren bideoetan: anorexia, emakumeenganako indarkeria, ume baten egunerokotasuna, urtaroak, bidai motak...

Saioaren bigarren zatian nik alde egin behar izan zuen, eta ez nintzen klase honen zatian egon. Hala ere, irakasleak, nire kabuz, 5 ikaskideren blogak ebaluatzeko eskatu zidan. Beraz, blogak ebaluatu nituen beranduago. Oso errez egin nuen hau izan ere, irakaskaleak egindako internet bidezko inkesta baten bidez, oso arin eta errez egin nuen lana.

Beraz, honekin bukatu zen IKT-ko ikasgaia eta era berean, honekin bukatzen da nire blog-eko egunerokoa. Espero dut zuen gustukoa izan izana! 

Usue Miyar

Hirugarren klasea. (2015/12/02)

Gure hirugarren klasea, Abendurean 2an izan zen. Klase honetan, bideo bat sortu behar izan genuen, horretarako beharrezkoa zen programa bat ezagutuz eta harekin lan eginez.

Lan hau egiten hasteko, taldeka bildu ginen, eta talde bakoitzak portatil batekin lan egin genuen. Irakasleak, Adobe Premier Pro programa gomendatu zigun lan hau egiteko. Beraz, programaren web gunetik deskargatu genuen portatilean.

Lanarekin hasi aurretik, bideoan islatuko genuen gaia aukeratu eta bideoan nola egituratuko genuen pentsatu genuen. Horretarako kronograma antzeko bat sortu genuen, bertan, jarriko genituen bideo, musika, ahots-grabazio eta testuak eskematikoki jarriz. Hori behin egina genuela, lanarekin hastea askoz errezagoa izan zen.

Beraz, bideoa sortzen hasi aurretik, beharrezkoa genuen materiala deskargatu eta multzokatu genuen, gero bideoa sortzeko arazorik ez izateko. Bideoak sortzeko programarekin hasi ginenean, nahiko galduta bili ginen. Baina gure kabuz eta irakaslearen laguntzaz programa arakatu eta azkenean dena ondo ulertu genuen. Material guztia txertatuta genuenean, arazo bat sortu zen: bideoak eta musika ez zetozen bat. Beraz, konponbidaren bila hasi ginen.

Esan beharra dago, gure portatila beste talde bateri utzi geniola klase hasieran, eta nahiko berandu itzuli zigutela, arazoak izan baitzituzten. Horrek, gure arazoari konponbidea bilatzeko denbora asko murriztu zuen. Hala ere, irakaslearekin hitz egin eta arin aurkitu genuen konponbidea. Bideoa hasieratik egin behar izan genuen, baina jadanik ikasitakoarekin, oso arin berregin genuen bideoa, ordu erdian bukatuz.

Beraz, nahiko esperientzia onuragarria iruditu zitzaidan Adobe Premier pro programarekin izandakoa, izan ere, oso tresna erabilgarria izan daiteke eskola eremuan. Eta behin kontrolatzen ikasita, oso errez egiten dira bideoak.

Bigarren klasea. 2015/11/25

Gure bigarren klasea, Azaroaren 25ean izan zen. Eta gaurkoan, ipuinak sortzeko ditugun baliabidekin lan egin dugu.

Hasteko, lana taldeka egin behar izan dugu eta talde bakoitzak Haur Hezkuntzako adin bat aukeratu behar izan du. Gaurko lana, adin horretako curriculuma oinarri harturik, proiektu bat sortzea zen; proiektu  horretan, guk aukeratutako adinaren curriculumean agertzen diren eduki guztiak landu behar ziren. Eta azkenik, proiektu hori, ipuin bat balitz bezala islatu, guk aurkitutako programa baten bidez. 

Beraz, talde bakoitzak, bere proiektua argi izanik, proiektu-ipuin hori hobeto islatu daitekeen programa bilatzen hasi gara. Nahiko programa aurkitu ditugun arren batzuk, arruntegiak edo zailegiak ziren guretzat. Behin egokiena aurkiturik, gure proiektua islatzen hasi gara. Nahiz eta hasiera batean, nahiko galduta egon garen, berehala ikasi dugu programa erabiltzen eta behar islatu dugu dena.

Gure lanak bukatzean, klase aurrean azaltzen hasi gara. Lehenengo guk egindakoa erakutsi dugu, hau da, gure ipuina. Eta gero talde bakoitzak haiek erabilitako programa azaldu digute: funtzionamendua, alde onak, alde txarrak etab. Horien artean: Story jumper, Goanimate, Culture street, Powtoon eta Story bird. Baina orokorrean nahiko emaitza txarreko programak izan dira, izan ere, gehienek hizkuntza atzerritarra zuten, sinpleegiak edo zailegiak, deskargatzeko edo zure ipuina partekatzeko arazoak zeuden.

Beraz, gaurko lana aztertuz, oso proiektu ederra izan daiteke programen bidez, guk disenaitutako ipuinak edo istorioak sortzea. Gainera, askotan haurrekin sortzeko aukera ere egon daiteke, izan ere, programa batzuk guztiz bateragarriak dira ekintza horrekin. Baina arazoa, programa aukeratzean dator. Programa askotan harpidetza eskatzen da, hizkuntza atzerritarra da, ulertzeko zailegiak, ez dute askatasun askorik ematen nahi ditugun baliabideak sartzerako momentuan eta abar. Beraz, tresna bikainak izan daitezkeen arren, oso garrantzitsua programa egokia aukeratzen jakitea.